Կովի կաթում հայտնաբերվել է ՁԻԱՀ-ի դեմ դեղամիջոց

Ավստրալիացի գիտնականներն ուսումնասիրել են կովի կաթի պարունակությունը, որը ՁԻԱՀ-ի դեմ հակաթելեր է պարունակում: Դրա հիման վրա նախատեսում են ստեղծել կանանց համար քսուք, որը կպաշտպանի նրանց վարակակիր տղամարդկանց հետ սեռական հարաբերության ժամանակ: Այս մասին գրում է Medical Xpress-ը:

Մելբուրնից դոկտոր Մարիթ Կրամսկին հայտնաբերել է, որ ավելի էժան է հենց կովի օրգանիզմում ստեղծել ՁԻԱՀ-ից պաշտպանվելու տարրերը: Մասնագետները բիոտեխնոլոգիական Immuron Ltd ընկերության հետ ստեղծել են կաթի վերամշակման տեխնոլոգիա: 

Գիտնականները հղի կովերին ներարկել են ՁԻԱՀ-ի սպիտակուցներ և ուսումնասիրել առաջին կաթի պարունակությունը: Պարզվել է, որ կաթը պարունակում է հակաթելեր, որոնք հորթին պաշտպանում են վարակներից: 

Գիտնականների խոսքերով` կովը չի կարող վարակվել ՁԻԱՀ-ով, սակայն նրա իմունային համակարգը հակաթելեր է պարունակում՝ օտարածին տարրերի դեմ պայքարելու համար:

Գիտնականները հույս ունեն այս հայտնագործությունը հաջողությամբ կիրառել մարդկանց օգնելու գործում:

Հարցեր, պատասխաններ, մեկնաբանություններ